مواقف مضحكة حصلت للشباب

السلام عليكم ورحمة الله وبركاته
كل واحد منا حصله في يوم من الأيام موقف طريف وهذي بعض المواقف التي حصلت للبعض نقلتها لكم ولا تحرمونا من الفرفشه عطونا من مواقفكم الطريفه التي حصلت لكم .</>

موقف ما راح انساه كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين ) وانا على دخلتي كبرت وقلت آمين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية .. وسكت الامام شوي وكأن وده يضحك ./

< يقول كنا في مكة ايام الحج وكانت خيمتنا في مكان مرتفع بعيد عن سيارات الماء .. راح أخوي يجيب (ثلـج) وجاب قطعة كبيرة شايلها فوق كتفه ثم جت ثنتين من خواتي الصغـار بيساعدونه على إنزال الثلج وكان حريص .. بحيث انه لف قطعة الثلج بإحرامه اللي على كتفه حتى ماتثـلـج ( تبرد) يدين خواتي المهم خواتي سحبوا إحرامه ( السفلي ) بدلا من اللي فوق اللي فيه الثلج .. وبسرعة ... طاح الإحرام وطاح الثلج .. وطاحوا أخواتي من الضحك .</<
مرة زوجتي غيرت الثوب ونقلت أغراضي من الثوب الأول إلى الثوب الجديد .. رحت أصلي الفجر وركبت السيارة وشغلتها وأنا أسوق تذكرت وقلت : عسى ما نست تحط المفاتيح في جيب الثوب ( والمفاتيح كلها بميدالية وحده طبعاً ) !! وأفتش جيوبي والله المشكلة مافيها مفاتيح .. وشلون إذا رجعت افتح الباب !! وانا محتار و أفكر يوم جيت ارجع إلى البيت وأطالع .. وألقى المفاتيح قدامي مشغل بها السيارة ..(والله الذهانه)

< اتصلوا علينا المطار قالوا ترى شغالتكم وصلت .. وعلى شان نفتك من تفويض استلام رحت بنفسي أخذ الشغالة ... المهم وصلت المطار واخذت الشغالة بطبيعة الحال معها شنطه فيها ملابسها .. استلمت الشغاله وطلعنا للسيارة فتحت شنطة السيارة على شان تحط شنطتها .. تفاجأت ... أن الشغاله مدت رجلها بتركب في الشنطه قدام العالم .. وانا ما مسكت نفسي ما قلت لها شي قعدت اضحك وما مسكت نفسي وقمت أشر لها على شان تنزل والعالم تضحك .. المهم في الاخير نزلت من الشنطه .. بس بعد ما كل الموجودين جاهم مسيل الدمووع من الضحك

تقول شرح لي أخوي مادة القواعد حتى فهمتها .. وفي الامتحان جاوبت تمام التمام … وطلعت مسرعة من المدرسة لسيارة أخوي ركبت المرتبة اللي وراء وطقيت كتفه وقلت مشكور يأخيي جاوبت زين بالامتحان .. رد علي بهدؤ وقال : أنا آسف ماني أخوك غلطانه في السيارة . (وش تلقون وجهه يحول من الفجعه)


هذا موقف محرج جدا مر بي قبل قرابة 15 سنة من الآن ( يوم إني بزر ) ...
كنت ذاهب إلى أحد المستشفيات ...

وخلصت مراجعتي ...

وكان بصحبتي أبي ...

المهم بعد ما انتهينا من المراجعة ..

قال لي : رح للنافذه هذي ( وأشر عليها ) وقال لي خذ موعد وخله بعد الظهر ...

محاكيكم كان قصير لدرجة أنه لازم يوقف على أطراف أصابع رجوله علشان يكلم الموظف ...

رفعت رجولي وتمصعت وعطيته الملف وقلت أبي موعد ...

نزلت اللسست وهبطت بسلام ...

فجأة قال الموظف متى تبيه بأي وقت ؟

قلت بعد الظهر ..

قال الساعة تسع ..

قلت لا بعد الظهر ..

قال فيه الساعة ثمان ونص ينفع ..

قلت لا ، شف يوم ثاني بعد الظهر ...

وفجأة ....

الناس صاروا يضحكون وأنا مستغرب وش اللي صاير ...

بس أسكت...

بعد دقيقة من الصمت ..

وإذا به يقوم ويكشر عن أنيابه ليقول لي : ياخي أنت أعمى جالس أكلم بالتلفون ...

وجهي إحمر

إخضر

إزرق

قطع الصمت بقوله :

الشهر الجاي دور هاليوم بعد الظهر .. وإلا تبي الساعة عشر

والنكتة أنني لما قلته لوالدي ..

لم يواسيني وإنما ضل يضحك طوووووووووول الطريق

هههههههههههه
مرررررررررة حلوة المواقف وتضحك بس انا ما صار لي موقف مررررة محرج يمكن بس اني تزحلقت او طحت بس يعني مواقف غبية
تقـ مروري ـبلي

تسلمي اخر على المرور الراقي

نورتي التوبيك كله ياقمر